گُلِ سُهری سیت اِچیدُم ستینُم

تا بزیدیس مِنه فرخِ تُرنه هات

رهدی و بهت نرسیدُم ستینُم

                ******

بعد تو کَوگِ ولاتُم دِی نخُند

نوزینِ عشقته سی مو کَس نرُند

تک و تهنا وا غمت چه واکنُم

دی بلال و یاره یاری سیم نمُند

            ******

سیچه تهنا مُنه هشتی ستینُم

واتیات دلُمه برشتی ستینُم

سازو باز  وا دیلقِ غم اِکنُم

خُم دونُم و تیگ نوشتی ستینُم

             ******

کاشه کی چی روزگارون ستینُم

اِنشستیم زیر بارون ستینُم

به نییشتُم به منه باغ تیات

گُله گشت به گُله زارون ستینُم